2024-cü il 23-27 sentyabr tarixlərində Asiya İnkişaf Bankı (AİB) tərəfindən  “Azərbaycan Fond Bazarı İştirakçılarının Assosiasiyası”nın üzv təşkilatları üçün "Suveren Yaşıl İstiqrazlar Çərçivəsi" üzrə təlim proqramı təşkil olunmuşdur. Təlim AİB-in Azərbaycanda həyata keçirdiyi texniki yardım layihəsi üzrə həyata keçirilmişdir.

Təlimçi cənab İoannis Filopoulus seminar zamanı iştirakçılara Suveren Yaşıl İstiqraz Çərçivəsi üzrə beynəlxalq standartlar, Yaşıl İstiqrazlara dair tələblər, habelə Yaşıl İstiqrazların buraxılışı ilə əlaqədar əsas mərhələlər - emissiyadan əvvəl, emissiya zamanı və sonrakı dövrlər daxil olmaqla ətraflı məlumat vermişdir.

Eyni zamanda, bu sahədə ən yaxşı beynəlxalq və regional təcrübələr də iştirakçılarla paylaşılmışdır.