“Maliyyə xidmətlərinin inkişafına dair Strateji Yol Xəritəsi” nin "Maliyyə Savadlılığının artırılması" prioriteti çərçivəsində 30 oktyabr 2018-ci il tarixində Maliyyə Bazarlarına Nəzarət Palatası Təlim və Maarifləndirmə Mərkəzində "Kapital bazarlarında maliyyələşmə, listinq və investisiyalar" mövzusu üzrə maliyyə bazarları subyektlərinin əməkdaşlarına təlim proqramı keçirilmişdir.

Təlimdə Maliyyə Bazarlarına Nəzarət Palatasının Maliyyə bazarlarına nəzarət departamentinin böyük analitiki Arif Cəlilovun təqdimatında "Kapital bazarları vasitəsi ilə maliyyələşmə" mövzusu üzrə, Bakı Fond Birjasının Biznesin inkişafı qrupunun aparıcı mütəxəssisi Müseyyib Mehdiyevin təqdimatında "Listinq məsləhət proqramı" mövzusu üzrə və Maliyyə bazarları üzrə ekspert Cəfər İbrahimli tərəfindən "Kapital Bazarları və İPO-nun üstünlükləri" mövzuları üzrə təlim keçirilmişdir.