16 noyabr 2018-ci il tarixində AFBİA, BFB və Azərbaycan Turizm və Menecment Universitetinin birgə təşkilatçılığı ilə “Azərbaycanın müasir kapital bazarı” mövzusunda tələbələr üçün təlim keçirilmişdir. Təlimdə Azərbaycan Turizm və Menecment Universitetinin İqtisadiyyat və Menecment kafedrasından tələbələrə Azərbaycan kapital bazarlarında ticarət prosesləri, Bakı Fond Birjası, bazar seqmentləri və investisiya şirkəti fəaliyyəti barədə ətraflı məlumat verilmişdir. Belə ki, Bakı Fond Birjasının əməkdaşı Museyib Mehdiyev birjanın fəaliyyəti və bazar seqmentləri barədə, Paşa Kapital İnvestisiya şirkətinin direktor müavini Tələt Kalayev isə İnvestisiya imkanları, investisiya şirkətlərinin fəaliyyətləri barədə tələbələrə ətraflı məlumat vermişdir.

Təqdimatlardan sonra tələbələrin sualları cavablandırılmışdır. Sonda Azərbaycan Turizm və Menecment Universitetinin İqtisadiyyat kafedrasının müdiri Vüqar Nəzərov təqdimatçılara və təşkilatçılara universitet adından təşəkkürnamə təqdim etmişdir. Bu cür tədbirlərin tələbələr üçün önəmli olduğunu qeyd edən Vüqar Nəzərov kapital bazarlarının peşəkar iştirakçıları ilə əməkdaşlıqdan məmnuniyyətlərini bildirmişdir.