19 sentyabr 2024-cü il tarixində Azərbaycan Fond Bazarı İştirakçılarının Assosiasiyasının üzvləri (AFBİA) və Qazaxıstan Fond Birjası (KASE) nümayəndələri arasında görüş keçirilmişdir. Görüşün məqsədi iki ölkə arasında kapital bazarlarının inkişafı, təcrübə mübadiləsi və beynəlxalq əməkdaşlıq sahələrində yeni perspektivləri müzakirə etmək olmuşdur.

Tədbir zamanı fond bazarının tənzimlənməsi, investisiya mühitinin yaxşılaşdırılması və maliyyə texnologiyaları sahəsində təcrübə mübadiləsi həyata keçirilmiş və əməkdaşlıq potensialı geniş şəkildə müzakirə olunmuşdur.

KASE nümayəndələri əməkdaşlığın hər iki ölkə üçün strateji əhəmiyyətini vurğulayaraq Azərbaycanın kapital bazarının inkişafını dəstəkləmək və regionda maliyyə inteqrasiyasını gücləndirmək istiqamətində əməkdaşlığa hazır olduqlarını bildiriblər.

Bu görüş Azərbaycan və Qazaxıstan arasında maliyyə bazarlarında strateji əməkdaşlığın gücləndirilməsi və regionun iqtisadi inkişafına töhfə verəcək vacib bir addım olmuşdur