Attestasiyadan keçmək üçün peşəkar fəaliyyətlə məşğul olmaq niyyətində olan hüquqi şəxslər, həmçinin müvafiq ixtisas şəhadətnaməsini almaq istəyən fiziki şəxslər Maliyyə Bazarlarına Nəzarət Palatasına aşağıdakı sənədləri təqdim etməlidir:

1. Attestasiyadan keçmək üçün ərizə-anket ( müvafiq Qaydaya Əlavə № 1);

2. Hüquqi şəxsin dövlət qeydiyyatı haqqında şəhadətnaməsinin sürəti (İnvestisiya şirkəti müraciət etdikdə);

3. Namizədin şəxsiyyətini təsdiq edən sənədin surəti;

4. Təhsil haqqında sənədin surəti;

5. 2 (iki) ədəd 4x6 ölçüdə fotoşəkil.

Attestasiya avtomatlaşdırılmış test üsulu ilə həyata keçirilir. Hər bir attestasiya sualı yalnız biri doğru olmaqla 4 (dörd) cavab variantına malikdir.

Attestasiya suallarının cavabları aşağıdakı qaydada qiymətləndirilir:

•  düzgün cavab – 3 (üç) bal;

•  səhv cavab – (-1) (mənfi bir) bal;

•  cavablandırılmamış – 0 (sıfır) bal.

• 
  

Peşəkar fəaliyyət üzrə ixtisas şəhadətnaməsi üçün müraciət etmiş ərizəçi test üzrə cavablar məqbul hesab edilmədikdə 3(üç) aydan sonra, attestasiyaya gəlmədiyi halda isə 4 (dörd) aydan sonra attestasiyadan keçmək üçün yenidən müraciət edə bilər.

İxtisas şəhadətnaməsinin alınması müraciət qaydası ilə ətraflı buradan məlumat əldə edə bilərsiniz.